Sakhua timi Ṭongfang a suahdan le a sinak

Sakhua timi Ṭongfang a suahdan le a sinak

Sa

Khuahlan kan pupa pawl in thilziangkim hi a sersiamtu a um ding ti’n ruah nak an rak nei ve. Cumi sersiamtu cu ziangvek pianhma a nei tiih an ruah dan cu, minung hmuihmel pu vek deuh, ramsa vek sitho fawn, cuvek pianhma neimi a si ding tin an rak ruat. Cucu minung mit ih hmuh theihlo le kutih tham theih mai khal si cuang loin thil hmuahmuah tuahtu thil tithei ngaingai a um tiah an rak ruat ve. Cumi cu sa tiah an rak ko ih sa ti’n an rak bia. Cuih sa cu rannung hmangin thawinak thawn an bia. Thawinak an tuah tikah Puithaim in hiti’n thlamcamnak ṭongfang ah a rak hmang, “sa in kan sahrial rak co awlaw” tiin saserh peknak le thlacamnak ṭong ah an hmang. Atican cu kan biak mi sa in kan thawiawknak rannung in rak sang awlaw tinak a si. Cun, innsungsang harsatnak le damlo thihnak an ton tikah sa tilungawi lo le tingol ruangih thihnak le damlonak tonah an ruat aw ih sa ti mi an lemnak ṭongkam ah puithiam in hitin thlacamnak ṭongkam a hmang leh. “ Kan sa a nuar lo e, kan sa a nuar lo e, feh law feh law, suak law, suak law suak law” tiin ṭongkam thlumte thawn innsungih um nawn loin suak dingin a lemten an rak lem ṭheu.

Khua

Khua timi cu khuahlan kan pupa pawlin sa timi an rak biakdaan vek thotho in ziangkim sersiamtu ah an ruat ih, khua tiin an rak ko. Hmunkip le ramkip ih a um ruangah khua tiin an kawhsannak bik a si. Sersiammi thil hmuahhmuah cu khua timi ih tuahṭhehmi a siih a thil tuah mi parah le sungah amah cu a um vivo, um lonak a neilo, hmunkip ramkip ih um, hmuhlo le theihlo khal nei loin an ruat ih a sersiammi parah thawiawknak pein kan pupa pawl cun an va be theu. Cuiruangah, pu pa pawl in thu an rel tinten khawzing, khawrum, khawrel, khuanui ruat, khawsiam, khuacang tivekih an rak tinak a si. khua timi le sa an ti mi cu sersiamtu veve si in an ruat ih an biak dan khal a rak bang aw vivo. Cutikah sa le khua timi cu an rak sal peh ih sakhua tiah arak cang.

Sakhua timi an rak hawl dan cu sersiam mi tinkim parah hawlsuak tumin an rak bia. 1. Van lam an rak bia. 2. Tifingriat le a sungum tiang an rak bia. 3. Leihnuai thuahhra an timi tiangih ummi an rak bia, 4. Leitlun ih sersiammi hmuahhmuah hminsak in an rak be kim thluh, bia kimlo le salhrelh neih ding hi an phang ngaingai ih hawl thei patawpin an hawlih an rak bia. Sakhua ti mi tilungawi lo ding hi an ṭih bik mi a rak si.

Ka Pa

Ka Pa!

Ka pa hi hiti'n ka rak hmu:

Kum 4… ka si laiah ka pa in ziangkim a tuah thei. Thiam lomi a nei lo.

Kum 5…  ka pa in thei lomi zianghman a nei lo.

Kum 6…  ka pa hi na pa hnakin a thiam sawn.

Kum 8…  ka pa in ziangtinkim hi fiangzetin a thei thluh lo.

Kum 10…ka pa tei’ nauhak lai le atu san cu an dang-aw tuk zo.

Kum 12…Hmm… cumi cu ka pa khal in ziangtin a thei cawk ding. Anih khal a kum upa vivo thlangih nauhak lai thuhla cu a hngilh phahphah thlang ding sisi.

Kum 14… ka pa thu cu sim nawn hlah, ka thei paih lo. Hlan minung rori  a si hi.

Kum 20… aw… hi putar maw… ret men aw, san a man nawn lo. Hman a theih nawn lo.

Kum 30… ka pa kha mal lai sut sehla a ṭha ding. Ziangziang a va si khal le hmuhton mi tampi a nei ve sisi.

Kum 35… ka pa thu ka ron ṭheh tik lawngah himi thu thawn peh aw in thil pakhat khat ka tuah thei ding.

Kum 40… ka pa sisehla hi thu hi ziangti’n a tawlrel pei? Ka pa cu hmuhtonmi a nei tampi a nei, thu saupi a ruat thei.

Kum 50… Himi thu hi atu caan ah ka pa thawn ruat tlang in tawlrel thei sehla ziangzat a cem khal le ka pe ngam. Ka pai’ um lai ah ziangtluk mi ṭangkai a si ti ka theih lo cu a poizet. Pamhmaiza a si. Thungaite ka sim asile ka pa hnen ihsin zir ding tampi ka nei ta nan si! Atu cu a um nawn silo, a va poi ve…

Note… Saya Hrang Hmung ih ngan mi Thinsaunak Ih Huham timi cabu sungih ta ka laksawngmi a si. 

Kawlram President Ṭuantu le Uktu Pawl

Kawlram President Ṭuantu le Uktu Pawl

№ [1]	Picture	President (Life) An dam kum	Took office (Tuan thok kum)	Left office (Colh Kum)	Party
1		Sao Shwe Thaik (1894–1962)	4 January 1948	16 March 1952	Anti-Fascist People's Freedom League
2		Ba U (1887–1963)	16 March 1952	13 March 1957	Anti-Fascist People's Freedom League
3		Win Maung (1916–1989)	13 March 1957	2 March 1962[2]	Anti-Fascist People's Freedom League
Union Revolutionary Council (Chairman: General Ne Win)			2 March 1962	2 March 1974	Military
4		Ne Win (1911–2002)	2 March 1974	9 November 1981[3]	Burma Socialist Programme Party
5		San Yu (1918–1996)	9 November 1981	27 July 1988[4]	Burma Socialist Programme Party
6		Sein Lwin (1923–2004)	27 July 1988	12 August 1988[4]	Burma Socialist Programme Party
—		Aye Ko (?–?)	12 August 1988	19 August 1988	Burma Socialist Programme Party
7		Maung Maung (1925–1994)	19 August 1988	18 September 1988[5]	Burma Socialist Programme Party
State Peace and Development Council[6] (Chairman: Senior General Saw Maung,[7] then later Senior General Than Shwe[8])			18 September 1988	30 March 2011[9]	Military
8		Thein Sein (1945–)	30 March 2011	Incumbent	Union Solidarity and Development Party

Baibal Cabu Thuhla Tawi

Baibal Cabu Thuhla Tawi

• Bible timi hi Latin ṭong biblia, ihsin rami a siih asan cu “cabu” tinak a si.

• Bible hi Hebrew, Aramaic le Greek ṭong phun thum hmangih nganmi a si.

• Thukamhlun cu Hebrew ih nganmi a si.

• Thukamthar cu Greek ih nganmi a si.

• Baibal cu ṭong 2,000 lenglo ih leh a si.

• Baibal ngan hmaisabikah Bung Le Cang hi ṭhen a rak si hrih lo. 1150 ih suak Stephen Langton (1207 – 1228 ih Canterbury ih Archbishop) in Bible Bung le Cangpawl a rak tuah hmaisabik.

• Bible cu cabu lakih a hmaisa bik nammi a si.

• Bible cu cabu upabik a si.

• Bible cu leitlunih Cabu zuar khawng bikmi a si.

• Bible hi ni khat, bung 3 na siarih colhni sun ah bung 5 na siar a si ahcun kumkhat ah na siar suak ding. Ni khat ah bung 14 kiangkap na siar ringring asile thla thum sungah na siar ṭheh thei ding.

ThuFim Lawrkhawm (1)

ThuFim Lawrkhawm (1)

• Fate a tlang (pok) nak ruangah laawng tumpi a pilter thei.

• Ṭongkam thlumte’ mi a saangtu cun thinhengnak pawl a hloter sal.

• Thinlung a ṭhat le taksa khal a rak ṭha ve.

• Vansiatnak timi cu na in laimi na lakphak khuat sung khal ah a um.

• Sehal le Sehal an theihawk bangin rukru le rukru cu an theithiam aw.

• Mi dokalh cu  rukruk hnakin a se sawn lai.

• Thingthei cu a rah in a hliah aw theu.

• Mifim pa cun a ṭulnak ah a thinlung a thleng thei nan mi aa pa cu a thleng duhlo.

• Mifim hrang ahcun ṭongkam a duh tawk.

• Ṭongkam aicun tuahṭuannak in thu a rel tam sawn.

• Ruahsur ṭheh ah nikhua ṭha sal.

• Thlisia ih napi mi a nuai hnu ah dainak a thleng sal ṭheu.

• Ṭha te in be tu hmuahhmuh hi rualpi an si lo.

• Meithal a keng hmuahhmuah in sa an kap cuanglo.
• Lamnak hmun ih a lam hmuahhmuah in an lungawi cuanglo.

• Biakinn ih khawm hmuahhmuah Pathian fa an si cuanglo.

• Sursungih awhmi tamsawn cu ngate an si.

• Zo vek khalin hruaitu hna a ṭuan theihlo.

• Thudik hmuahhmuah phuansuah ding a si lo.

• Kan fiang hlan ahcun ziangkim a mak ih a harsa fawn.

• Kut lawng cun muvanlai zawl a theihlo.

• Hma cu a dam sal thei nan, hminsiatnak cu a dam thei ve lo.

• Uico tar cu a tul lo ah a bo rero dahlo ding.

• Caw khal a ki thawn a siatsuahaw ih minung khal a lei thawn a siatsuahaw.

• A lenglam mawinak men cun mi a bum thei.

• A suak hrihlomi nausen bang in thianhlim aw.

• Uico mi bo ciamco pawl in mi an keu lo.

• Nuamten tiamkamnak tuah awla kimter ding ah zamrangten tuah aw.

• Mualpho hlir ih dam sung caan hman aicun sunglawi zetih mual liam a ṭha sawn.

• Na hmuhmi zaten zum hlah, na theimi thu khal zum ṭheh hlah.

• Thaisun ih ar ai cun tuisun ih arti a ṭha sawn.

• Rualpi sual neih aicun ral neih a ṭha sawn.

• Rualpi sual thawi kawmawk hnak cun mahte um a ṭha sawn.

• Milian si aicun mi van ṭha si dingih suah a duh um sawn.

• Uico lu si aicun tlangvang mei si a ṭha sawn lai.

• Ding phah ih thih hloh aicun khukbil ih dam a ṭha sawn.

• Tlai ih thleng aicun a tuan lam ih thlen a ṭha sawn.

• Vei hnihkhat tlai cu tlai dahlo aicun a ṭha sin lai.

• Ṭongsual aicun bahpang a ṭha sawn hrih lai.

• Simṭhat aicun tuahṭhat a ṭha sawn.

• Hell ram ih uktu si aicun vanram ih riantu si a ṭha sawn.

• Zirlo aicun nui pum sung ihsi suah lo a ṭha sawn.

• A se zawngih zirh aicun zirlo a rak ṭha sawn.

• A dai mi uico le a luanglo mi tidai ah ralrin a ṭul.

Baibal Thufim

Baibal Thufim

1. Na tuah mi hmuahhmuah cu Bawipa hnenah hlanaw, Na khuakhannak cu na hlawhtling ding.

2 .Na ttong ih a suahter mi rah vekin na nunnak cu a si ding.

3. Na uarawk rero a si ahcun harsatnak na sawm thawn a bang aw.

4. Mi zokhalin tawhawknak cu a suah ter thei,Tawhawknak hrial thei cu Upat tlak asi.

5. Dingnak le thudik tuah cu raithawinak hnakin BawiPa in a duh sawn.

6. Nomnak a duhmi cu a farah ding,Zu le Sa a duhmi cu a lian dah lo ding.

7. Tar pawl ih Bawilukhum cu an tu le fa pawl an si, nauhak pawl ih sunlawinak cu an nu  le pa pawl an si.

8. Mi dang ih an lo ruahdaan poisa tukih um khi ttihnungza a si, Asinan Pathian na rinsan ahcun phanding a um lo. 

9. Mi tha lo cu zo hman ih dawi loin an mah ten an tlan, Sikhalsehla midik mifel cu Kiosa vek in an ral a tha.

Nan Tong-aw Maw, Nan Tawng-aw So?

Nan Tong-aw Maw, Nan Tawng-aw So?

Rev. Stephen Hre Kio

Thuhramthok: Tuhrawng cu Falam casiartu lakah buainak maltete a um phahphah ih khatlam ah cun kan calai kan duh tinak a langter. Khatlam ah cun mi tam nawn an thinlung a buai: Kan calai kan ngan daan ruangah! Thu tla in sut zeekzeek. “Aw” thawn an ngannak cabu hi kan siar lo ah a tha lo maw? “Aw” tiin siar ciar hai sehla ti an duhnak thinlung hi a kyan deuhdeuh a si, a titu an tam vivo. Kan dung zarh (December 15-19, 2005) ah Tahan, Toungphila khua ah Falam Baptist Pawlkom Pastors’ Conference kan nei ih Pastor 118 an kai thei. ~hatein kan zirh-aw thei ih Pathian kan thang`hat ngaingai. Cutawk khalah kan calai thu in sut thotho.

“Falam Baibal thuhla na ngan tikah soiseltu an um ringring. Voikhat hman a luat dah lo. Ziangahso na let ve hai lo,” i titu an tam. Ka sim haimi cu: “Falam Baibal thuhla ih soiselnak a ummi cu voikhat ka siar dah ih an `ongkam a siat (a kyan) deuh ruangah ka let duh hai nawn lo. Baibal thuhla rel tikah cutluk `ong “kyan” a `uul lo. Pathian hrangah hna`uan ding tampi ka nei ih cumi `uan ka duh sawn. Soiselnak tuah a duhtu an um ahcun tuah rero ko haiseh. Ca an nganmi a `hatnak malte hman rel lo ih a `hat lonak lawng rel hi soisel kan timi cu a si. Kei cu cubangtuk cun ka tuah lo ding,” ka ti hai. “Tubaite ih a suakmi cabu hringte tla cu a hmel a siazet,” in ti. “Cabu hringte cu ka siar ve lo sokhaw. Siar khal a `uul in ka ruat lo,” ka ti hai.

Baibal lehmi soiselnak a ton hi Falam Baibal lawng a si lo; Khristian thuanthu ah Baibal an lehmi an relsiat ringring ko. A sia zawng ih rel hi kan `uanvo a si, tiih a ruattu an um. An relsiat lawng si loin Amerika ih um mi pawl tla cun, Ultra Fundamentalist pawl cun, meisa tla in Baibal an rak ur dah sokhaw! Curuangah mang bang ding a si lo; thinheng ding khal a si lo. An lungput daan a si tiin theihthiam ding an si ko. Falam Baibal hi Pathian in thluasuah a pekmi Baibal a si, tiah ka zum ih ka lung a kim ko. Lungawitein rak siar rero ko uh. Kan remmi Baibal khal tuanah a suak ding. Nam dingah Baibal Society in an ap zo.

A. Ziangah a buai? A buainak hi “o” le “aw” thu ah a si bik. Himi “o” le “aw” hi
Hakha khal in an hmang ve. Asinain annih an buai lo. Hlan lai ihsin Mirang le siangbawite ih tuahmi le zirhmi thlun in an nung ih an buai lo. Tiddim khal an buainak a um lo. Zotung le Matu khal an buai lo. Falam lawng hi kan buai hnuaihni. Cutiih a buainak hi kum reipi a si lo. Kum ruk sarihte sung lawng a si. Ziangahso kan milai sungah tubaite in buainak a thok? Keimah hmuh daan ahcun tubaite in “o” le “aw” hi kan hman keel vek si loin thleng duhnak a um ruangah a si. Ziangah cutiin thleng duhnak a thok? ti tikah a thuailam ah ka hmuh ve daan ka rel ding.

Kum 1963 in Pathian hna`uan Falam ih ka thok tikah, ka theihmi vial ahcun, Presbyterian Kawhhran siseh, Methodist Kawhhran siseh, Independent Church of Burma (ICB) Kawhhran siseh, Falam khawsung tla ahcun Lushei `ong lawnglawng an hmang. Falam mi an si khalle cuticun thil um daan a rak si. Falam khua lawngah si loin Tahan lam khalah cuti hlir in an hmang. Lushei `ong in Baibal an siar, Lushei `ong in Hla an sak ih Lushei `ong in thla an cam. A tam sawn cu an innsang khalah Lushei `ong an hmang. Lushei `ong cu uar tuk a si ih, “Lushei `ong lo cun nan thlacam khal Pathian in a thei lo ding” titu tla an rak um hngehnge. Kum 1968 ah Lushei “tapung” in Falam khua an siim ih an laak tikah Falam khawsungmi tampi kan zon a zai. Acozah in Lushei `ong a hmangtu pawl parah zumlonak tam sinsin a rak um. Harsatnak tampi an rak tong.

Asinain kum 35 hnuah cumicu a thleng aw vivo. Atu-ah cun Lushei `ong hmang nawn loin Lai `ong, ka theih mi vial ahcun (Falam `ong) an hmang thlang. Lai `ong in Baibal an siar (Falam Baibal hi saltaannak ihsin in luattertu a si, a titu khal an um), Lai `ongin Hla an sak ih thla an cam. Kan Lai `ong ih thla kan cam tik khalah Pathian in in theihsak a si, tihi zozo khal ih ti theihmi a si thlang. Hitiih thil a thleng awk hi thil `hazet a si. Lungawiza ngaingai a si. Cutiih a thleng awk rero lai khalah hmun tampi ah cun “leengkhawm” ah le mithi topi tikah Lushei hla thotho an hmannak tampi a um lai. Asinain khawm tikah Falam Baibal an siar ih Falam Hla an sak thlang. A `ha mi a ra thleng.

Asinain Lushei cangan daan kha an thlah thei lonak a um. A bik in “aw” an thlah thei lo. An thlah thei lo lawng si loin Lai cangan daan sungah luhpi an tum. An luhpi tum lawng si loin kan Lai cangan daan, kum 80 lenglo kan rak hman `heu mi, kha thleng an tum. Cumi a si kan misenpi ih an pom thei lomi cu! An buai hnuaihnipi mi khal cumi a si! Thleng tumnak hi thil dik sisehla, Lushei cangan daan hi a dik va sisehla, thu khat. Lai ca ngan daan hi a dik ve ko a si ih a dik hlei cuang lomi Lushei cangan daan in thleng tum tikah a `uul lo thil ah ka ruat. Buaipi tlak a si lo, ka ti. Hakha lam, Thantlang lam, Tiddim lam le, Zotung le Matu lam tla ah an buai lo vekin kannih Falam cangan daan tla ah buai `uul a si lo. Kan ngan `heu daan in ngan ding a si ko. (“O” le “aw” thawn pehpar in a thar in cangan daan tummi a dik lonak cu a thuailam ah ka ngan ding.)

Hitiin Lushei cangan daan thuhla ka ngan tikah keimah ih ruahnak lawng a si lo. Kanmah lakah kan Kawhhran le kan miphun lakih hotu pawl ih, kum tampi sung, in sim ringring mi cu: “O” kan hman `heunak hmun ah “aw” in thlen thluh tumnak hi Lushei cangan daan thlun sehla ti duhnak in a rami a si, an ti ringring. Kei cu Lushei `ong ka thiam lo, a zir khal ka zir dah lo; a ngan khal ka ngan dah lo. Asinain a tlunih thuhla a rak um ciami le a theitu le a thiamtu ka rualpi le hotu pawlih in simmi hi ka ruah tikah zumtlak a si; a dik tiin ka hmu. Ka hmuhmi le in simmi hi a dik a si ahcun thusuh ding cu: Ziangahso kan Lai ca ngan daan cu Lushei ca ngan daan in kan thleng duh? tihi a si. Thudik a si ahcun zir `ha le thlun `ha a si. A dik fawn cuang lo a si ahcun thleng ding a si lo. A tum khal tum ding a si lo.

B. “O” le “aw” thu ah: “O” le “aw” thu ahhin a thuailam vekin ruah ding a si. Laimi in “o” hi phun hnih in kan hmang.

 (1) “O” hi “h” in a thlun tikah “au” asilole “ou” aw a cuang. “Zoh”, “doh”, “foh”, “loh”, “poh” le “toh” ti pawl hi an si. Lai casiar ih kan zir `heumi an si ko. Khuahlan tla ah kan zir; tuihsan khalah tlawngah le `hal tlawngah an zir. Ziangah “au” asilole “ou” aw a cuan tile cafang “o” hi a dang cafang “h” in a thlun tik lawngah a si; ziangah tile “h” cafang hi aw-pit (dangpit) tu a si ih Mirang `ong in “glottal stop” an ti. “O” hi “h” ih a thlun tik poh ah “au” asilole “ou” aw a suak ringring ding. (Himi hi phonemic rules a thlun ruangah a si, ti tla in kan ti `heu.) Hitiin Laimi ih kan hman daan phun khat a si.

(2) A dang phun khat cu “o” hi “h” ih a thlun lo poh ahcun “aw” ih awtawi in a suak ih cuticun kan hmang. Atican cu “o” hi awsau in a suak dah lo, tinak a si. Awsau in a um pang khalle a malte ngaingai a si ding. (It will be an exception, not the rule.) Thu`himnak ah: “bok”, “cok”, “dok”, “fok”, “hok”, “kok”, “lok”, “mok”, “nok”, “pok”, “rok”, “sok”, “tok”, “`ok”, “vok”, “zok”, tiah Lai casiar ih kan zir `heumi kha a si ko. Himi “o” hi awtawi hlir an sir. Awsau in kan saal dah lo. Siar ding khal a si lo. A dang khal awtawi in kan siar ringring ko. Thu`himnak ah: bom, com, dom, fom, hom, kom, lom, mom, nom, pom, rom, som, tom, `om, vom, zom, kan timi, phun khat kan zir ihsin kan rak zir ringringmi an si. Bot, cot, dot, fot, hot, kot, loh, mot, not, pot, rot, sot, tot, `ot, vot, zoh, timi pawl le a dang tampi an si. A zatein awtawi “o” hlir in kan siar.

“O” hi awsau “aw” in kan ngan ih kan saal asile a tican a dang `heh ding. “Bok” kha “bawk” ah a cang ding; “cok” kha “cawk” ah a cang ding; “dok” kha “dawk” ah a cang ding; “kok” kha “kawk” ah a cang ding; “tok” kha “tawk” ah a cang ding ih “vok” kha “vawk” ah a cang ding. Cutiin a tican a dangpi ah a cang `heh ding. Himi ih a tican cu: Kan ngan daan in a tican a dangter tinak a si. (If you write “aw” in place of “o”, the meaning will be changed.) Curuangah “Nan tong-aw maw?” timi kha, “Nan tawng-aw maw?” (nan sual-aw maw?) tiih a can theinak cu a si. “Nan tong-aw maw?” ti kan duh asile “o” awtawi in ngan ding a si ih, “Nan tawng-aw maw?” tiih nan sim duh asile “aw” awsau in ngan ding a si. Cokrawi ding a si lo. “Cok” ngan daan cu a dangte; “rawi” ngan daan cu a dangte si ding a si. “Cawkrawi” ding a si lo; “cawkroi” ti khal in ngan ding a si lo. Hmun le hma an nei fingfing. Hmunhma an neihnak fingfing ah kan hmang thiam asile Lai `ong ngan daan kan thiam, tinak a si.

C. “O” le “aw” hi Leilungpi in an hmang: “O” hi Laimi in awtawi ih kan hman tikah kanmah lawng kan si lo. Leilungpi ah an hmang. Linguistic Professors ka sutmi hmuahhmuah in a dik an timi a si. Khuahlan laiih Grik pawl khal “o” hi awtawi in an hmang. Kum reipi le san reipi calai a neitu Spain pawl khal in cutiin an hmang. Tuihsan German le Mirang pawl khal in cutiin an hmang. Curuang “o” hi awtawi in hman hi Leilung pumpi ih hmanpi mi a si. Mirang ih an hman daan malte vun langter sehla:


(1) Aungbali khi Mirang in “lot” an ti; awtawi in an hmang. Kanmah Laimi vek in
an hmang. Ihkhun khi “cot” an ti; kanmah Laimi hman daan in awtawi in an hmang ve. Deh khatte khi “dot” an ti; Laimi khal in dikzet in kan siar thei ko ding. Kan hman daan a bangaw. A dai lomi, a sami khi “hot” an ti. Laimi khal in kan siar thei. Innhmun tla khi “lot” an ti. Laimi ih kan ti daan vek a si ko. Mi tampi ih nan theihmi “Hot Pot” tla cu Mirang `ong a si nain Lai mi in diktein kan siar thei ko. Kan ngan daan thawn a bang-aw ih, kan siar daan thawn tla a bangaw. Hi bangtuk hi a dang khal tampi a um ih kan rel cawk lo ding. “O” hi awtawi in Leilung tlunah an hmang ti ka sim duhnak lawng a si.

(2) Mihrek in, “Laimi in ‘o’ cu awtawi ah kan hmang thei lo lawlaw,” an ti `heumi
cu rintlak a si lo. Ziangahso kan hman thei lo ding? Leilung tlun miphun tampi in an hmang ih an hmang thei a sisi! Laimi tla in kum 80 lenglo kan hmang zo ih kan hmang thei ko a sisi! Ziangahso tubaite lawngin kan hmang thei lo lawlaw, an ti ciamco? “O” hi leilung pumpi in awtawi ah an hmang thei nain Laimi cun kan hmang thei lo lawlaw an ti tikah, an thei nain an hmang duh lo hrim ruangah a si; culole tumtahmi (agenda) dang an neih ruangah a si thei, tiah ka ruat. “O” cu awtawi in Laimi cun kan hmang thei lo, timi hi a dik lo lawlaw.

(3) “Aw” hi Mirang in awsau ah an hmang. Cumi cu Laimi khal in kan hmang ve
ko. Mirang in “awesome” an ti tikah mangbangza, asilole a maksak tinak a si. “Lawn” tiah an ti ih hmuan sung hrampi hring, tican a si. Awsau “aw” an hmang. Sakhi faate khi “fawn” an ti. Ausau “aw” an hmang. Kanmah Laimi vek an si. “Dawn” an ti ih Laimi ngan daan vek a si ko; Zingkhawvang tinak a si. “Spawn” tiah tla an ti. Tivate ah nga an tiit tikah spawn an ti `heu. A dang tampi a um nain kan ti cawk lo ding. “Aw” hi awsau in an hmang, ti sim duhnak lawng a si.

(4) Mihrek in, “Aw” hi awtawi khal in siar a theih, awsau khal in siar a theih, an ti
`heumi cu a si thei lo lawlaw. “Aw” cu awtawi asile si lawlaw seh; awsau asile si lawlaw seh. Laikiing (chameleon) bangin a pawl duh tikah pawl, a hrin duh tikah hring, ticun Linguistics (The Science of Language) ah a si thei lo. Thu`himnak ah: “aa” cu a sau in kan siar. Linguistic rules in zoh tikah a cang theimi a si. Asinain “aa” cu kan duh tikah tawi, kan duh tikah sau ticun siar dingah a cang thei lo. Zaang cu kan duh tikah zaang, kan duh tikah zang (zahmawh) in siar a theih lo. A tican tla a sawh duhmi a fiang lo ding. Ziangtinso “aw” pakhat cu a tawi le sau in kan siar, kan ngan thei ding? Laimi pawl in calai daan (Linguistic rules) kan tuah cop dah ti lo ahcun! “O” cu awtawi in ngan ih siar, “aw” cu awsau in ngan ih siar, timi hi kan tuahcopmi a si lo. Leilung tlun ih theihpimi ca ngan daan le ca siar daan a si ko. Thleng a `uulnak ka hmu lo.

D. “Aw” hi khuazakip ih hman hi a dik lo: Khuazakip ah “aw” hi kan duh ah awtawi, kan duh ah awsau, ti hratin ngan ding a si lo. Hitiin ngan tikah a dik lonak cu hitiin a si: Thu`himnak ah: “A pawk” tiah ngan sisehla harsatnak pathum li kan tong:


(1) Casiartu in “a pok” tiin maw a siar ding “a pawk” ti in so? ti hi harsatnak a si.


(2) Hitiih a siar thiam lo tikah cangantu ih sim duhmi a fiang lo, harnak kan tong, tinak a si.


(3) Casiartu in a siar sual tikah, “Casiar thiam lo a si ruangah” ti meen ih sualphawt cu a dik lo. A ngantu ih thiam lo khal a tel a si. A dik lomi kha a dik tiih ruah sual khal a si thei. Casiar thiamzet khal in an siar sual theu ti cu kan theih ringringmi a si.


(4) “A pawk” tiih nganmi kha “a pok” ti duhnak a si ahcun “a pok” tiih ngan ah a dik bik a si. Harsatnak kan tong lo ding.

Cuvek thotho in, “Tidai a dawk” tiah kan ngan asile a tlunlam ih kan rel zo vekin,(1) Casiartu in “a dok” tiin maw a siar ding, “a dawk” tiin so? tihi harsatnak a um.
(2) Hitiih a siar thiam lo tikah cangantu ih sim duhmi a fiang lo, tinak a si.
(3) Casiartu in a siar thiam lo tikah, “Casiar thiam lo a si ruangah” ti meen ih mawhphurh hi a dik lo. A ngantu ih thiam lo khal a tel a si. Siar sual lo ding in ziangahso kan ngan lo?
(4) “A dawk” tiih nganmi kha “a dok” ti duhnak a si ahcun “a dok” tiih ngan ah a dik bik ko. “A dawk” tiih ngan ding a si lo. Harsatnak kan tong lo ding.

Laimi kan ca hi olteih ngan thei ding le siar thei ding sisehla kan duh ciarmi a si ih “aw” hi khuazakip ih kan ngan cun kan duh vekin a si thei nawn lo ding. Curuangah ah “aw” hi khuazakip ah hman ding a si lo. A hmunhmate ah dikteih hman ding a si. Theih sual lo ding le siar sual lo dingin ngan ding a si. A harsami a si lo.

“O” le “aw” thawn a peh-aw lomi thu pakhat ka vun telhta duak duh. Cumi cu “thluasuah” timi thu a si. Tubaite ah, “thlawsuah timi hi Hakha `ong a si ih kan cawncopmi a si,” tiin Yangon ih nammi cabute ka siar. Himi hi a dik lo tiah ka ruat. Baibal Cathiang kan leh laiah Falam `ong lamih kan rinsan zetmi cu Tlauhmun khua U Dar Hnin, Falam khua U Ral Sai Lo, U No Zam le Rangoon um U Ral Lian Sum an si. Kan rinsanmi pathum in in thihsan zo ruangah USA ah U Ral Lian Sum, October 2005 ah, ka tong ih ka sut. “An theih lo asi ahcun rel loin um lawlaw hai sehla a tha,” a ti. Zahau peng hmanah, “Thlawsuah” titu an um; “thluasuah” titu an um ih “thlasuah” titu tla an um. Asinain ziang vekin kan saal khalle Hakha ihsin kan cawnmi a si lo. Khuahlan lai ihsin raithawi thlacamnakah, ‘Thlawsuak vanglut tein’ tiah a um, a ti. U Lal Bik thawn Pu Ral Dun ih “Zahau Daan le Nunphung” timi cabu kan zoh tikah U Ral Lian Sum timi vek cekci in Pu Ral Dun ih nganmi ah a um. Cule “thlua le tlang” tit la a um lai hrih. Curuangah “thluasuah” asilole “thlawsuah” hi khuahlan lai ihsin kan neih mi Falam `ong a si. Hakha ihsin kan cawnmi a si, timi hi an theih loin an `ongmi a si, tinak a si.

A netnak ah: “O” le “aw” thu cu kum 80 sung harsatnak tong lotein kan hmang zo. Hmailam khalah hman peh vivo ding a si ko. Buainak zianghman um hlahseh.