Ciite Le A Hnaṭuan Thei Daan

Ciite Le A Hnaṭuan Thei Daan

1. Zial parih Arti a tlak tikih Amu tiang a darh-awk asile cu’i Arti-Mu parah Ciite phulhkhat aw! Caan malte sung hngak lawk awla hnawtfai ciamco tulloin hnawm ruhnak thawn na huihhlo thei mai ding.

2. Kut hnawtnak(Pavua) tete pawl Rawng a kai asile na sawp hlanah Ciite phulhmi tidai sungah ciah lawk aw! Baal-rawng kai pawl a thianfaih tha nasa.

3. Pakaan retnak donte, ca-uk retnak donte tivek ih Sihte an kai asile Ciite phulh aw! Sihte pawl an tlaan mai ding.

4. Nga-khep na ziah ding tikah Ciite phulhmi tidai sungah Nga kha ciah lawk aw! A khep pawl ziah an ol ngaingai.

5. Atuk(Salad) sungih hanghnah pawl vuai/uai lo dingin Ciite malte na phulh thei.

6. Arti tha le tha lo na theih duh asile Ciite phulhmi tidai sungah ciah aw! Arti a ṭhat asile a pil dingih a ṭhat lo asile a hong puan aw ding.

7. Arti na suan tikah na suannak ding tisa sungah Ciite malte’n phulh aw. A hong so tikih Arti a kuai/kek pang asi hmanah Arti mu cu suak/pawt loin a hawng sungah a taang thei ding.

8. Vuai hniaphniap Paanti(apple) tivek pawl khal Ciite phulhmi tidai sungah tawkfang nawnin ciah lawk aw! A puam aw saal dingih zoh a mawi saal ding.

9. Hmuk tuahnak Uh-kaang pheng pawl kha Hmuk na kio hlanah Ciite thawn hnawt lawk aw! Uh-kaang ah Hmuk pawl an kop lo ding, an caak lo ding.

10. Hathuahnak na lei tikah na hman hlanah Ciite phulhmi tidai sungah ciah lawk aw! Rei deuh hman a theih ding.

11. Coffee duur kha na kholh duh tikah Ciite thawn rawtin kholh aw. Coffee rawngkai baal pawl a thianfaih thei.

12. Ciite le Turpentine rawi in Porcelain ih tuahmi Pakaan, Ek-inn dawng tipawl kha vaar vervi ko in a kholhfai thei.

13. Kut ih thincop/a ong tuahmi ihsin ciphulh tulmi dawng tivek na hman asile Ciite suak/tla ol dingin cu’i Ciite dawng sungah Fangfai malte’n rawi aw. Ciite an tla/suak ol ding.

Tiger Lily